Norman Foster

Norman Foster
Norman Foster in Dresden (2006)
Gebore	Norman Robert Foster 1 Junie 1935 (1935-06-01) (89 jaar oud) Stockport, Cheshire, Engeland
Nasionaliteit	Verenigde Koninkryk
Beroep	argitek
Bekend vir	30 St Mary Axe, Londen Willis Faber en Dumas-hoofkwartier, Ipswich Wembley-stadion
Eggenoot	Elena Ochoa (1996–hede)
Ouer(s)	Robert Foster Lilian Smith
Webwerf	http://www.fosterandpartners.com/

Norman Robert Foster, sedert 1990 Sir Norman Foster en sedert 1999 ook Lord Foster of Thames Bank, is 'n Britse argitek.

Foster is bekend vir sy ontwerpe van onder andere die Millenniumbrug (wat oor die Teems in Londen strek), asook 30 St Mary Axe, (beter bekend as die "Gherkin", in dieselfde stad) en die koepel op die ryksdaggebou in Berlyn. Sy ontwerpe kan so ver as China, Australië, Kanada en Kasakstan besigtig word.

Hy is in twee eksklusiewe ordes opgeneem, die Duitse orde Pour le Mérite ("vir die meriete") en, in 1997, die Briste Order of Merit ("orde van meriete"). Hy is ook benoem tot Life Peer, wat beteken dat hy vir die res van sy lewe as 'n edelman beskou sal word en, as 'n baron, behoort hy tot die Britse Hoërhuis.